2057 - 天杵乐队

词：天杵乐队

曲：天杵乐队

编曲：天杵乐队@小王

说唱词：rkzflow小达瓦/天杵乐队

录音：8音音乐工作室@雅尔甘

混音：8音音乐工作室@雅尔甘

合唱：阿牛/索巴/格平/洛桑旦增/天杵乐队

笛子：多吉

发行公司：万汇国际Vanhail International

རྩི་ཤིང་མེ་ཏོག་མེད་པའི་ས་དེ་མཐོང་དུས།

སྔོ་ལྗང་ཅན་གྱི་རྩྭ་ཐང་དེ་དྲན་བྱུང་།

སྐམ་ཞིང་གྲང་བའི་རི་ཀླུང་དེ་མཐོང་དུས།

དྭངས་ཞིང་གཙང་བའི་ཆུ་མོ་དེ་དྲན་བྱུང་།

ང་ཡི་རྩི་ཤིང་། ང་ཡི་སྤང་རྒྱན་མེ་ཏོག

བྱིའུ་ཆུང་འཇོལ་མོའི་གསུང་སྙན་ཡང་ཆད་སོང་།

ང་ཡི་རྩྭ་ཐང་། ང་ཡི་གངས་ལྷ་མེ་ཏོག

ཐང་དཀར་རྒོད་པོའི་གཤོག་རྩལ་ཡང་ཉམས་སོང་།

ཨ། ང་ཡི་བྱིའུ་ཆུང་འཇོལ་མོའི་གསུང་སྙན་ཡང་ཆད་སོང་།

ཨ། ང་ཡི་ཐང་དཀར་རྒོད་པོའི་གཤོག་རྩལ་ཡང་ཉམས་སོང་།

སྔོན་མ་དཀར་བའི་གངས་ཆུ་འབབ་པའི་ས་ལ།

ད་ཆ་སེར་པོ་བྱེ་མའི་ཐང་ལ་འགྱུར་སོང་།

སྔོན་མ་མེ་ཏོག་སྣ་ལྔ་བཞད་སའི་ས་ལ།

ད་ཆ་རྫས་འགྱུར་གད་སྙིགས་སྣ་ཚོགས་ཁེངས་སོང་།

ང་ཡི་གནམ་སྔོན། ང་ཡི་སྤྲིན་བཟང་དཀར་པོ།

དྭངས་གཙང་མཁའ་རླུང་གི་དྲི་ཞིམ་ཡང་ཆད་སོང་།

ང་ཡི་འཇའ་ཚོན། ང་ཡི་གཡུ་ཆུ་སྔོན་མོ།

ཆུ་དང་ཉ་མོའི་འཚོ་གནས་ཡང་སྟོང་སོང་།

ཨ། དྭངས་གཙང་མཁའ་རླུང་གི་དྲི་ཞིམ་ཡང་ཆད་སོང་།

ཨ། ད་ཆ་ཆུ་དང་ཉ་མོའི་འཚོ་གནས་ཡང་སྟོང་སོང་།

ཆུ་མོ་ཡར་འགྲོ་མ་རེད། མི་ཡི་བལྟ་བ་མར་འགྲོ་རེད།

དེ་ཚང་མ་ཕ་རྒྱུད་མེས་པོས་ང་ཚོར་བཞག་པའི་ཡུལ་ལུང་རེད།

རྩྭ་ཐང་གི་རྩྭ་དང་འདྲ་བར་མཉམ་དུ་སེར་པོ་ཆགས

ཕ་དམ་པས་འདིར་སྤྲད་པའི་རི་ཀླུང་འདི་སྐམ་པོ་ཆགས།

གློག་ཐབ་ཀྱི་འོད་ལས་ས་ཐབ་ཀྱི་དྲོད་དགའ།

ལྕི་བ་དང་ཤག་པ་འབུད་རྒྱུ་བྱུང་ན་ཐབ་ཚང་དེ་དྲོ་བ་ལ།

ས་མཐོའི་སྒང་གི་ཕོ་རྒོད་ཀྱི་ཆིབས་རྟ་དཀར་པོའི་འོད་ལ།

ནགས་ཚལ་སྲིང་གི་བུ་མོ་དེ་དེ་འདྲའི་གད་མོའི་གྱོད་ལ།

ཕ་ཚ་བུ་རྒྱུད་གསན་དང་ང་ཚོའི་རྣམ་འགྱུར་ད་ག་ཡིན།

ཕ་ཚ་བུ་རྒྱུད་གསན་དང་ང་ཚོའི་རྣམ་འགྱུར་ད་ག་ཡིན།

ཕ་ཚ་བུ་རྒྱུད་གསན་དང་ང་ཚོའི་རྣམ་འགྱུར་ད་ག་ཡིན།

ཕ་ཚ་བུ་རྒྱུད་གསན་དང་ང་ཚོའི་རྣམ་འགྱུར་ད་ག་ཡིན།

ཨ། བྱིའུ་ཆུང་འཇོལ་མོའི་གསུང་སྙན་ཡང་ཆད་སོང་།

ཨ། ང་ཡི་ཐང་དཀར་རྒོད་པོའི་གཤོག་རྩལ་ཡང་ཉམས་སོང་།

ཨ།

ཨ། ད་ཆ་ཆུ་དང་ཉ་མོའི་འཚོ་གནས་ཡང་སྟོང་སོང་།